早前喺內地嘅網站入面,就有一班內地網民瘋傳一批溫碧霞同班熟女嘅合照,話係啤霞嘅同學,仲話啤霞同佢嘅同學個樣相差太遠云云。不過,其實呢輯相,係四月影嘅,而且呢班根本唔係佢「同學」,而係親戚。啤霞都知呢單嘢,不但止唔介意(就算介意都唔係佢),今日佢仲貼咗輯相,介紹番,相中呢班,先至係真正嘅同學相。
嚟緊7月30號就係啤霞嘅49歲生日,今日佢就喺微博貼咗幾張同學為佢提前慶祝生日嘅相,仲寫道:「這才是真正的同學聚會,同學們給了我一個蛋糕驚喜,這也算是今年最早的一個生日驚喜了。好可愛的蛋糕,love u all 真正的友誼是可以永恆的,難忘讀書時候的美好時光。」
啤霞嘅同學,雖然冇啤霞咁有星味,但燭光掩映之下,各具美態,堪稱美魔女同學會喎。